法罗捷 farrjo 即食雞胸肉

無論是減肥或健身，雞胸肉可以說是人見人怕的名詞，一提起它就好像跟難食等同。但係如果以之前文章 怎樣揀選食物才食得健康？ 所提及的有營養食物，除了魚肉之外，相信沒有什麼食物好似雞胸肉可以提供大量蛋白質而又低脂肪、低碳水化合物。

好多減肥人士減肥失敗的原因多數都係開始時充滿動力，會花很多時間去準備食物。但當時間一長，由其是減肥效果遇到樽頸，就會找藉口冇時間去準備食物，慢慢就貪方便出街食或買些 pre-pack 食物，破界之後就再破界，最後就失敗告終。所以要減肥成功，準備食物其實是其中之一個最重要的還節。

而今次決定減重是有一個誘因就係係天猫超市發現了即食雞胸肉，令到整件事變得容易咗。還有最重要，價錢只是幾蚊雞，長期食都唔會肉痛。百x 都有韓國嚟嘅即食雞胸肉，收廿幾蚊，你會食得幾多餐？我不如叫個白切雞飯。

這些即食雞肉不需要冷藏，保質期大約 180-270 日，可以就咁食或者加熱之後配襯其他蔬菜。帶出街或帶返公司，打開就食得，每包 100 g，大約 140  kcal，提供 26-30g Protein 蛋白質。

包裝分兩層，裏面的真空包裝包裝袋非常厚實。

 

食物添加劑有 三聚磷酸钠，焦磷酸钠 用作保持水份，D-异抗坏血酸钠 是一種防腐劑能防止腌制品中致癌物質亞硝胺形成，添加劑比起很多罐頭算是不太多。 

雞胸有分 chicken breast 及 tenderloin，tenderloin 比 chicken breast 冇咁嚡。法罗捷 farrjo 雞胸肉是雞大胸，比較嚡。

切開雖然是一絲絲，唔算好嚡，但有少少霉，未至於好似罐頭肉。即食嚟講算做得唔錯，入到口，味道可能好過自己煮，而且有好多味道選擇。

係天猫超市買有個好處，滿 ¥249 可免費送貨，不過價錢就比起淘宝買貴。因此這一個牌子不推薦再買，還有其他更好選擇，不過如果喺天猫超市買開嘢，湊下數都 ok 嘅。

我的午餐，單簡、方便、健康、有營養，有冇興趣試下😅？