人越老越縮水？

近日見到一張相片，覺得幾有趣，雖然伊利沙伯二世也不是生得高大，但後生時也是亭亭玉立。相片中比對卓慧思高度好像差距很大，當然拍照的角度也可能是一個原因。

唔知大家有冇發覺年紀大咗，身邊的人好像變得越來越高大，有仔女的更加覺得仔女高自己很多，但有冇可能不是仔女長大了，而是自己縮了水🤔。

我自己就有小小的不同感受，之前每年也有一些舊同學聚會，我發覺為何之前和我差不多的同學，以前我眼望他們是平視他們雙眼，但近年我望到係佢哋個"頂"。

好耐冇度過高，去年開始練習 Calisthenics 只是持續磅重，但前幾日見到上面張相，就心血來潮度下高，居然我比以前高咗2.5cm（1寸）😅。人到中年冇縮到水，而且還高了，真是開心死我，原來練 Calisthenics 還有很多意外收穫。

咁係邊一招可以增高呢？其實嚴格再說不是增高，人年紀越大，關節之間的軟骨變薄，地心吸力影響，骨與骨之間的壓力會越來越大，做成了整個人好似縮咗水。要保持骨與骨之間的距離，最好方法就是拉返長佢。練習 Calisthenics 基本上每日也要練習 hanging on the bar，即係吊起自己。

  

hanging on the bar 有好多好處

• 作為 pull ups progession，是練習引體向上的基本動作。好多人係健身室一開始練 pull ups 就會用輔助器械去練，其實練天光也不會練到。因為如果連吊起也捱不到30秒，咁又點支持身體做引體向上；

• 可以訓練手握力和前臂，正常冇練過 hanging on the bar 嘅人，應該堅持唔到30秒，就是手握力唔夠。只是練習手握力，對好多徒手訓練都可以增加動作次數，是非常有用、重要的訓練；

• 用雙手吊起整個人，可以伸展手臂、肩膊、頸部、背部肌肉，對於整日用電腦、睇電話，縮起肩膊的上班一族或低頭族尤其有效。可以舒緩頸部、肩膊、背部痛楚，有效改善五十肩；

• 除了伸展肌肉，用雙手吊起整個身體，上身要支撐身體的重量，是一個 isometric excerise，可以增加上身的運動量，鍛鍊手臂、肩膊筋健及肌肉；

• 當人吊起，背部脊椎會因為下半身的重量而得到適度的伸展，對於因為脊椎而引致的背痛，或是久座所產生的下背痛、椎間盤突出可以舒緩症狀。如果是痛症初期，未引致骨骼變形，加上適當伸展運動，更可完全醫治痛症；

• 可以改善 posture 整體姿勢，無論是小學生日日背上重書包返學，上班一族坐得多或職業因素要時常孭重嘢，大部份香港人的身體姿勢都是有些問題；寒背、鬆肩、行路向前傾等都會影響了骨骼健康，年紀越大，痛症就越來越多。如果每天也上吊🤭，姿勢得到改善，痛症就遠離。

香港是全世界最長壽的地方，但人老了行得走得才有用，如果長期臥床，行動不便，咁不如早啲走好過😇。只是一個簡單的習慣，「每天吊一吊，行得又走得」，就會得到健康，不過咁簡單嘅動作又有幾多人可以每日堅持？