MyFitnessPal 紀錄每日身體所攝取的卡路里

要控制重量，紀錄每日所食的食物種類及數量是必須的，從而可以計算每日所攝取的 macros 及卡路里。

坊間有好多 apps 都可以做到計算卡路里，係 app store 搜尋下就一大堆。

我自己就用開 MyFitnessPal，也不知道是不是最好，但應該是歷史最悠久。

一開個 apps，新用戶要註冊，舊用戶登入就可以同步返之前所有記錄。

新用戶要先提供一些個人資料，例如身高、體重、年紀。然後填目標，個 apps 有好多功用，但對我來說其他都冇咩用，主要用來紀錄每日所食的食物，而有更多功能要升級去進階版才可以用到。

係‘目標’頁面點入‘卡路里、碳水化合物、蛋白質和脂肪量目標’就可以訂立每日的 macros 攝取量目標。進階版才可以精準咁自訂每一個數值，免費版只可以訂立一個百分比約數。

上次計算出每日要攝取 1588 kcal，即是大約 Protein 148g、Fat 25% 44g、Carbohydrates 150g。用百份比砌嚟砌去都唔多啱，通常我選擇制訂 Protein 多啲，但其實自己記住每日的目標便可以。

訂立目標之後，跟著係‘設定’入面嘅‘日記設定’去‘自訂餐飲名稱’。

係呢到去設定一日食幾多餐，因為我是少食多餐加上做 2 次 workout，所以設定了一日六餐。分開每餐輸入會清楚啲，同埋每日可以 copy and paste 之前的記錄方便啲。如果你是一日三餐，也建議加多個 Sneak，每日不同時間食啲垃雜嘢就可以記錄係到。

出返去日記就可以開始記錄每日所食的食物，係每個餐飲下面按‘+加入食品’就可以加入所需食品。

例如我想加入早餐㩒入去就出了這畫面去搜尋想加入的食品。‘歷程’是之前加過的食品，‘食譜’可以自己自訂儲存喺度，就唔使每次逐個逐個 ingredients 咁入。如果早餐你通常飲一杯牛奶、食一塊麵包及一隻雞蛋，就可以將這個早餐儲存在‘餐飲’裏，一次過輸入三樣食品。最後‘我的食品’是儲存一些找不到的食品，就要自己建立‘食品建檔’。

還有一個很方便的輸入方法，就是按右上方 barcode 個 tab，去 scan 食品包裝上的條碼，再輸入分量即可。

不過要注意無論用 barcode 定 search，出來的結果要看一看 marcos 成份跟包裝是否相符。因為 database 啲資料係 open source，所以有時未必準確。

輸入了每一餐嘅食物，就可以得出每天卡路里攝取量及 macros，從而可以制定每日餐單。

也可以分析每星期的資料，有時每日達不到標，也希望一星期加起來可以達標。

有些人覺得自己每日已經食好少嘢，但都減唔到肥。不過當一開始記錄卡路里，大部份人也會發現，自己每日攝取卡路里比想像中多，又其是脂肪及碳水化合物會比計算出來的合理值多很多。這些就是近年餐飲或飲食趨勢，只追求好食，而忽略了飲食平衡及健康。就算有些近年標榜健康的素食或所謂健康食材例如植物肉，內裏的脂肪合量普通都係偏高，因為脂肪低就唔好食，就賣唔去。

因此無論是不是為了控制體重，試一試紀錄下自己每日的飲食，對自己平常生活有更多了解，或者也會發現很多意想不到的收穫。