小米體脂計分析一個月身體訓練成果

由買 小米體脂計 開始，每一日早上同一個時間也會上一上磅，紀錄了一個月以來的變化。不過原來小米運動 app 冇得匯出數據，分析起上嚟就比較麻煩。

 

以上列表是 2月3日 及 3月3日 的數據，首先看看體重，減少了 2.65kg  5.83 磅。咦！點解跟上次講減了 16 磅差咁遠？這是正常的，通常減磅一開始是減掉水份，跟本未減到脂肪，因此很多人停止減磅就馬上反彈。所以頭幾個星期會好似減得好多，之後幾個星期才真正看到所減的磅數。買小米體脂計的時候已經實行了極限計劃兩三個星期了。

2月份磅數減少了 3.87%，算是理想的進度，因為一個星期減超過體重 1% 其實係唔健康。

之後看一看水份，正如上面所解釋，唔好見到重量輕咗就好開心，因為可能減的是水份。一開始是 53.9% 差少少才合格，今日有 55.3% 剛剛合乎標準。第一即是這個月減去的磅數不是水份，又或是一開始幾個星期減掉了很多水份，最近開始回升返。第二飲水量應該足夠，要維持現狀，現在每日飲大約三公斤水。

之後當然是最重要的體脂，由 21.3% 減到 19.3%，如果按這個速度，好快可見到 6 pack😍。

不過當然唔可以咁快開心，因為同一時間肌肉量下跌，雖然跌幅由 51kg 至 50.3kg 只是 1.37%，但之前已經偏低，再跌就唔合格。不過體重減了 2.65kg，肌肉減幅佔 26%，脂肪減幅有 70多%，以減重來說其實不是太差，但始終年紀大，肌肉好難生長，怕下跌了上唔返 (下篇會講點解，減肥的人一定要注意肌肉量)。

而且基礎代謝也減了 3.06%，一直也未達標，雖然每日做自重運動，照鏡係大隻咗，但怕減得太快有後遺症。

所以跟住下來的一個月，會把 macros 按上一篇 文章 調整，即是

減重 1588 kcal

Protein 148g

Fat 25% 44g

Carbohydrates 150g

之前一個月因為貪心，把每日卡路里攝取量減到大約一天 1488 kcal，比我最初計算再減多 200 kcal 碳水化合物攝取量，即差不多只有 TDEE 70%，因為見唔係好肚餓，點知就越食越少。所以之後會試一試增加返一些卡路里攝取量看看變化會怎樣。最理想找到一個平衡可以增加肌肉同時減低脂肪。這方面之後會寫文章點樣計算每日 macros 攝取量時再詳細講解。

其餘骨質也減少了，不過暫時不是大問題，所以下個月再看看。

雖然網上很多文章質疑小米體脂計的準確程度，但最重要的不是數值，而是每天量度的趨勢是否向好的方面，才知道所用的減肥方法是否真的有效。

所以減重人士一定不可只看磅數的變化，體脂及肌肉變化才是最重要。因為不適當的減肥會導致身體造成永久傷害，如果考慮減重的人士，體脂計是一定要添置的器材。