二個月的訓練成果 (可以投考紀律部隊入職體能測試)

估唔到一個月咁快又過去，又要回顧一下今個月的訓練成果。

早上一百下掌上壓 Push Ups 練習，係休息日之後的一日可以連續做 60 下比之前 50 下有進步，但其他日子取決於之前一日的訓練，多數是 40-50 下。Chris Heria 嘅 Workout 非常注重全身肌肉的鍛鍊及平衡，其中一部份肌肉十分強壯反而未必是好事，所以與其向做一百下掌上壓的目標，不如先改一改練習其他 Skills。因為背部 Back、肩膊 Shoulder 力量還未到達標準，這個月會改做五十下 Dips，看進度才慢慢加到一百下。因為 Dips 除了跟掌上壓一樣可以訓練胸 Chest 及三頭肌 Tricep，還可以練習肩膊 Shoulder。訓練肩膀 Shoulder 原因做 L-Sit 時發現肩膀、手臂唔夠力支撐身體，所以想要練多啲。

Dips

早上一百下 Australian Pull Ups 練習，一個月下來明顯比之前有力量，也確實用到背肌力量，而不是靠手力。不過下數還是要改進，現在是分三個 Grip (Wide，Shoulder，Close) 輪流做，每做 10 下，休息 45 秒再做直至完成 100 下。但去到最後 20-30 下，個 form 就開始走樣，所以會繼續這樣的訓練。即是嚟緊嘅日子早上就隔日分別做 Dips 及 Australian Pull Ups。

 Australian Pull Ups (Wide+Shoulder+Close Grip)

 

至於 L-Sit，估不到 L-Sit 進度比我想像中慢，首先 Hips Flexibility 還未夠，要拉多啲筋。第二本身 Core 力量唔夠去練 L-Sit Hold，個 form 做得唔好，得益不大。所以要做返 Core Workout，然後做完之後才加上 L-Sit Hold。

L Sit Hold (Parallettes)

至於 Handstand，居然比我想像中快可以做到 Handstand Kick Ups Against The Wall，現在已經比較輕鬆可以用腳 kick up 上牆。原來秘訣係眼要一直望地下同一點，頭由開始到踢腳向上也要盡量唔郁，上身自然可以向上。下一步就要練 handstand hold，加強手臂、肩膊力量，才可以做到 free Handstand。

 

Handstand Kick Ups Against The Wall

 

至於 Programs 'Begin Your Fitness Journey'，做 Intermediate 4 個 round 跟 Beginner 3 個 round 真係有好大分別，雖然每個 excerise 多幾秒或多幾下，但做多個 round 整個人好似被榨乾一樣，比之前一日做 2 次 Workout 更辛苦。

初初做完又係唔郁得，但下半個月已經可以適應了。現在引體上升 Pull Ups 可以做到 10 下了，做 Pull excerise 也比較容易，就算用 elastic bands 幫手也可以用幼身的。

不過身體狀況去到一個尷尬情況，Push exercise 比較容易完成，但又未可以做到更難的動作，而 Pull excerise 還是未達標，如果再上 Advanced Level，Push excerise 可以應付，但 Pull excerise 應該完成唔到，而且還要做 5 個 round。還有已經練了兩個月，也想改一改練多些其他 Skills，所以就試下新 Programs '30 Day Bodyweight Program'，一開始做 Beginner 但做 4 個 round 去適應下先。

早上的 Yoga 真是幫助很多，可以更快 recover 及減低本身舊患痛症，所以這方面會繼續。

看看以下兩篇關於紀律部隊體能測試

[紀律部隊] 入職體能測試分析 (上)

[紀律部隊] 入職體能測試分析(下)

再看看自己現在的體能，雖然兩個月好似好短時間，不過原來成果是由開始做原地跳都一僕一碌，到現在應該可以 pass 紀律部隊體能測試，都算未完全變成廢佬。

不過突然間又想，點解這一種運動咁少人練習？以前體育堂做的運動，好似冇人想再玩。而且單槓、雙槓好多公園都有，冇人玩，公園又整嚟做乜？