三個月時間不長、不短，但作為撿討方法成效是最合適的。Chris Heria 時常講用他的方法可以達至 best shape of life。實行了三個多月訓練，我可以講現在身體正是 best shape of my life，從未試過身型這麼好，而且只是三個月就可以達到。堅持下去相信會變得更年輕，身型更 fit，體能更靈活。
上個月因為舊患，運動量是減少咗，但可能因為身體機能一直改善，燃燒脂肪嘅效率冇減低，體脂已經減到 17%，6 packs 開始明顯，真是想不到由細到大都好想擁有的六舊腹肌，在半百年紀終於可以開始見到。
以前試過好多方法；健身、跑步、節食都唔成功，估唔到 Chris Heria 嘅 workout 看似簡單，但原來真係非常之 effective。而且 effective 到因為體重不斷下降，我由減重狀態變成現在的增重狀態。
上一篇 文章 已經把卡路里攝取量增加到跟 TDEE 一樣大約 1900 kcal，雖然體重下降減慢，但開始 64 kg 不保，所以卡路里增加了兩次到 2088 kcal，變成增重狀態。不過結果一個月下來體重還是減少了 1.3 kg。今日開始再把卡路里攝取量增加到 2188 kcal。如果以基礎代謝計算 TDEE 1228x1.55=1903 kcal，已經是多吸收 285 kcal。比對最開始 1488 kcal，差了 50%，所以選對運動對減重成效有決定性的影響。
為何會這樣？之前 文章 已經解釋過，TDEE 是一個平均公式計算出來，誤差一定存在，所以只是一個參考，重點是要跟據身體實際狀況及反應而去調整。
如果把我的活動量改成高度活動，計算出 TDEE 1228x1.725=2118 kcal，那麼可能就差不多。
最新卡路里攝取量，Carbohydrates 碳水化合物大幅增加，終於可以比較放任食嘢。不過好奇怪，Chris Heria 都話佢每天攝取大約 2000 kcal，我年紀咁大點解食咁多嘢，唔通我生蟲🤔。
雖然體重減少，肌肉量也減少了 0.27 kg，但實際照鏡的時候，看見身體肌肉明顯增加，希望可以快些找到平衡點，等肌肉量慢慢回升。
另一個問題是內藏脂肪，好像怎樣也減不掉，但又沒有什麼辦法。
網上查一查，好像 CLA (Conjugated Linoleic Acid) 能有效減少體內脂肪，就買咗包返嚟試下，睇下下個月有沒有效用？
舊患情況如何?有好轉嗎?
回覆刪除謝謝慰問，康復中，拉筋加 blackroll，應該月中寫訓練進展可以好返。
刪除太強了，只玩了3個月，體脂Drop到17%。
回覆刪除我玩了4年也沒有什麼進展，體脂都在21-22%。之前看了你一篇講飲食的食的文章，跟著改了飲食習慣，神奇地，體脂Drop到20%。看來我之前都食太多醣類，改了飲食習慣有很大的影響。謝謝你的分享。
你的體脂目標是要Drop到幾多呢？
就係睇左呢篇。
刪除https://healthnotaboo.blogspot.com/2021/04/blog-post.html#more
我之前都玩咗幾年健身，都係冇咩進展，直到今次跟 Chris Heria 嘅 Workout，才真是有突破，所以一定要試下啲 workout，真係好 effective，可以增肌之餘再減脂。而且冇健身咁容易受傷，呢點好重要。試了之後記住話比我知效果如何？
刪除我冇目標體脂 drop 到幾多，現在最重要體重不要再下降，所以而家反而每日要食好多嘢。
估唔到原來文章都有人睇😅，好開心知道你跟住做都有成效，咁我都有動力再寫多啲關於 exercise 及飲食文章。