你還可以玩跳飛機嗎？

今日大年初一，首先祝大家身體健康、萬事如意。今年嘅目標就係為健康而戰，希望可以克服之前嘅舊患。

Chris 嘅 workout 點解對我 impact 咁大，令我要的起心肝認真鍛練？

雖然人老咗，行動唔方便好似一定要接受，但正所為人老心不老，香港人很喜歡去旅行，自己也是。因此總是想如果現在行動開始唔靈活，十多年之後怎樣辦，如果行動不方便又怎去過退休生活。而家啲人好長命，touch wood 如果我都係，咁副偈點樣捱落去。大家有冇去過老人院？有見過那些行動不方便嘅老人家嗎？人是要生活得有尊嚴的，所以唔想係老人院到 "安享晚年"。雖然香港係全世界最長壽嘅地方之一，但某程度係因為香港嘅免費公營醫療，但吊住條命嘅老年生活，有意義嗎？

 之前健身，基本上沒有什麼動作是做不到，練完心口梗係脹卜卜，以為自己強壯咗，點知一練 Chris 嘅 workout，原來連跳飛機也玩不了😳。唔係個 workout 要練跳飛機，而係有一天練習 workout 入面的 Leg Day 要做以下動作 Broad Jumps。

Broad Jumps

以為好簡單嘅動作，點知自己好似個大冬瓜咁墮機之後碌咗出去，跳起沒有問題，但落地就會失平衡仆街或者變成滾地葫蘆。記得小時候住公屋，出面冷巷就係我哋嘅遊樂場，這種原地跳嚟跳去係每日指定動作。至於樓下公園、學校操場嘅跳飛機就係一大班細佬最愛嘅玩意。但原來不知不覺間，已經做唔到了。

好多運動跟健身都是單一動作，熟習咗就不難做到。但 Chris 嘅 workout 好全面咁鍛練身體唔同的肌肉、耐力、平衡力、爆炸力，而好多時一個動作會要求全身的力量及協調性，這種 polymeric exercise 健身時就好少加入訓練。

這個原地雙腳跳，不只要求雙腿肌力，還有爆發力、核心力量及平衡力，如果只係做 Leg Press 是不足夠的。當然輕輕跳跟全力跳是兩會事，但後生不用練習就做得到的動作，現在做唔到即表示身體有些地方已經退化了。

另一個令我覺得非常沮喪嘅動作就係這個 Handstand Kick Ups Against The Wall

Handstand Kick Ups Against The Wall

究竟幾十歲人還可以玩倒立嗎？可能有人會覺得我好傻，但係當我踢極都踢唔起對腳，手及膊頭又唔夠力，整個人差點仆落嚟，我真係覺得冇理由細個好容易做到嘅動作，也不是 free handstand 只是 against wall 也做不到？但重點不是做不做得到這個動作，重點是從中顯示身體平衡力、手、膊頭力量不足夠，也可能根本是身體太重了。

通常人遇到挫折，一係選擇接受，一係想辦法克服。

無論我嘅鍛練是為了什麼原因，是幾無謂，總之今年就決定開始了鍛練，但最後做不做得到、有沒有成果、可以維持幾耐就不知道了。

有興趣也可以試一下還可不可以玩跳飛機，可能你會重新認識自己身體的能力。如果你可以做到，恭喜你，但要記住如果現在不開始鍛煉，到做唔到的時間就會好似我咁想再做到就會困難很多了。

最後祝牛年大家有個好的開始。